Sigmundur Davíð, þér er hér með sagt upp störfum!
Contact the author of the petition
Re: Email
Er svona erfitt fyrir þig að búa til nýan gmail?? Tekur skemmri tíma en að kommenta, fjandinn hafi það.
Re: Re: Undirskriftarsöfnun ekki að virka sem skyldi.
er reyndar ekki sá sem kom henni af stað og er þér sammála þetta þyrfti að laga
Re: Re: Undirskriftarsöfnun ekki að virka sem skyldi.
#203: Fríða - Re: Undirskriftarsöfnun ekki að virka sem skyldi.
Það ætti að hafa verið lagað.
Sigmundur brýtur lögin um skráningu lögheimilis til að eiga möguleika á kosningu inná Alþingi!
Sigmundur brýtur lögin um skráningu lögheimilis til að eiga möguleika á kosningu inná Alþingi!
Forsætisráðherra brýtur lög með því að skrá lögheimili sitt þar sem hann býr ekki. Sigmundur Davíð Gunnlaugsson, forsætisráðherra, færði lögheimili sitt úr Reykjavík og yfir í Norðausturkjördæmi fyrir síðustu kosningar, að Hrafnabjörgum 3 í Jökulsárhlíð á Héraði. Sigmundur heldur þó enn heimili í Ystaseli í Reykjavík. Þetta er óheimilt, því þó að í lögum um lögheimili sé að finna undantekningar sem snúa að þingmönnum, þá mega þingmenn einungis eiga skráð lögheimili á öðrum stað en þeir búa á hafi þeir búið á umræddu lögheimili áður en kosning til þings kallaði á búsetu þeirra á höfuðborgarsvæðinu.
Var ekki búsettur að Hrafnabjörgum
Þetta skrifar Teitur Atlason ritstjóri Jafnaðarmannsins, fréttablaðs Samfylkingarfélagsins í Reykjavík, í nýjasta blað félagsins. Teitur vekur athygli á því að í síðasta eintaki Jafnaðarmannsins hafi verið fjallað um kjörgengi Sveinbjargar Birnu Sveinbjörnsdóttur og þá ákvörðun yfirkjörstjórnar að úrskurða hana kjörgenga þrátt fyrir vafa um rétta lögheimilisskráningu. Um þau skrif var meðal annars fjallað áEyjunni.
Teitur segir að Sigmundur hafi ekki átt fasta búsetu á Hrafnabjörgum áður en hann varð þingmaður og hann brjóti því lög með lögheimilisskráningu sinni.
Nú kann að vera að mörgum þyki þetta vera léttvægt og ómaklegur uppgröftur en staðreyndin er að þetta er bannað og ágætt að hafa í huga að ef þingmenn fara ekki eftir lögum sem gilda í landinu – hvernig í ósköpunum er hægt að ætlast til þess að aðrir að geri það?
Fólk á að fara eftir lögum
Það að forsætisráðherra þiggi þjónustu frá einu sveitarfélagi, Reykjavík, en borgi útsvar í öðru, Fljótsdalshéraði, er afar sérkennilegt að mati Teits.
Í tilfelli forsætisráðherra og konu hans eru um að ræða ein ríkustu hjón landsins og útsvarstekjur þeirra eru sjálfsagt með því hæsta sem sést. […] Fólk á að fara eftir lögum sem gilda í landinu og það á að skrá lögheimili sitt þar sem það hefur koddann sinn. Þetta ætti að gilda um alla og ekki bara um fátækt fólk á hrakhólum. Heldur líka Sigmund Davíð Gunnlaugsson með allar sínar miljónir.
Sigmundur flytur í hús sem Mágur hans átti og kom yfir á kennitölur tengdaforeldra Forsætisráðherra!
Sigmundur Davíð Gunnlaugsson, forsætisráðherra Íslands, er nú að flytja í glæsihöll í Garðabæ við Skrúðás 7 ásamt eiginkonu sinni, Önnu Sigurlaugu Pálsdóttir, og dóttur þeirra. Vísir greindi frá þessu þann 13. desember. Áður hefur Sigmundur búið í Seljahverfinu í Breiðholti.
Samkvæmt fasteignaskrá eiga foreldrar Önnu Sigurlaugar, Páll Samúelsson og Elín Sigrún Jóhannesdóttir, húsið við Skrúðás sem metið er á 115 milljónir króna. En húsið á sér sögu líkt og flest hús. Fyrri eigandi hússins var eignarhaldsfélagið Stofn sem Stundin fjallaði nokkuð ítarlega um í september stuttu eftir að félagið var formlega úrskurðað gjaldþrota. Lýstar kröfur í búið voru tæplega 308 milljónir króna. Ríflega sex milljarða króna skuldir félagsins voru færðar niður eftir hrun.
Stofn var í eigu Boga Óskars Pálssonar, fyrrverandi stjórnarmanns Exista og mágs Sigmundar Davíðs. Bogi keypti húsið árið 2005 þegar allt lék í lyndi hjá honum en árið áður greiddi hann næst mest allra Reykvíkinga í opinber gjöld. Í aprílmánuði 2009 var húsið flutt yfir á félagið Stofn. Óljóst er hvað félag Boga borgaði Boga fyrir húsið. Þó er ljóst að Bogi undirritaði afsal bæði sem kaupandi og seljandi. Aðeins fáeinum mánuðum síðar, eða í september sama ár, var húsinu afsalað til núverandi eigenda þess, foreldra Boga.
Stofn ehf. var eignarhaldsfélag Boga og fjölskyldu sem hélt utan um hlutabréf í Exista upp á 4,8 milljarða króna, sem urðu verðlaus við efnahagshrunið. Nafni félagsins var breytt 26. mars síðastliðinn, varð KSR ehf., tuttugu dögum áður en héraðsdómur úrskurðaði að taka skyldi búið til gjaldþrotaskipta.
Lögheimili Sigmundar Davíð er eyðibýli að Hrafnabjörgum III í Norðausturkjördæmi. Þar hefur hann þó aldrei búið að neinu ráði en hann skipti um lögheimili í aðdraganda síðustu alþingiskosninga. Þá bentu skoðanakannanir til þess að Framsóknarflokkurinn myndi ekki ná manni inn í Reykjavíkurkjördæmum.
Sagan á bakvið Einbýlishúsið sem Sigmundur býr í í dag í Garðabæ..
Engar eignir fundust í þrotabúi KSR ehf. eignarhaldsfélagi Boga Óskars Pálssonar, fyrrum stjórnarmanns Exista og mágs Sigmundar Davíðs Gunnlaugssonar forsætisráðherra. Félagið átti stóran hlut í Exista. Ríflega sex milljarða króna skuldir félagsins voru færðar niður eftir hrun. Málaferli Arion banka gegn Boga standa enn yfir vestanhafs.
Sex milljarða skuldir voru færðar niður
Skiptum búsins lauk 6. ágúst síðastliðinn. Lýstar kröfur voru tæplega 308 milljónir króna. Bogi er bróðir Önnu Sigurlaugar Pálsdóttur, eiginkonu Sigmundar Davíð Gunnlaugssonar forsætisráðherra. Hann var enn fremur formaður viðskiptaráðs frá 2000 til 2004.
Félagið KSR ehf. hét áður Stofn ehf. og var eignarhaldsfélag Boga og fjölskyldu sem hélt utan um hlutabréf í Exista upp á 4,8 milljarða króna, sem urðu verðlaus við efnahagshrunið. Nafni félagsins var breytt 26. mars síðastliðinn, tuttugu dögum áður en héraðsdómur úrskurðaði að taka skyldi búið til gjaldþrotaskipta.
Bogi var um tíma stjórnarmaður í Exista. DV greindi frá því árið 2012 að 6,3 milljarða króna skuldir félagsins hafi verið færðar niður að fullu þegar hluti lánasafns gamla Kaupþings var fluttur yfir í Arion banka í kjölfar hrunsins árið 2008.
Styrkti stjórnarflokkana
Rekja má auð Boga til fyrirframgreidds arfs frá föður hans, Páli Samúelssyni, sem hagnaðist um sjö milljarða króna árið 2005 þegar hann seldi Toyota-umboðið á Íslandi til Magnúsar Kristinssonar. Bogi var nokkuð fyrirferðarmikill fyrir hrun og má þar nefna að hann greiddi næstmest allra Reykvíkinga í opinber gjöld árið 2004.
Fyrrnefnt félag Boga, Stofn, styrkti bæði Framsóknarflokkinn og Sjálfstæðisflokkinn um þáverandi hámark fjárframlaga, 300 þúsund krónur, árið 2009. Mágur Boga, Sigmundur Davíð Gunnlaugsson, var kjörinn formaður Framsóknarflokksins í janúar 2009. Það ár var þegar ljóst að eignir félagsins í Exista væru í algeru uppnámi. Óvíst er hvort félagið hafi styrkt flokkana áður, þar sem fjölmörg fyrirtæki óskuðu eftir nafnleynd vegna stjórnmálastyrkja. Þó er ljóst að félag Boga hefur ekki styrkt flokkana eftir árið 2009, en raunar hefur lítið sem ekkert farið fyrir Boga á Íslandi eftir hrun. Flestir styrktaraðilar Framsóknarflokksins á árunum 2002 til 2006 óskuðu eftir nafnleynd, samkvæmt samantekt Ríkisendurskoðunar.
Lánssamningur minnir á Stím
Samkvæmt ársreikningi Stofns árið 2008 voru skuldir félagsins lækkaðar úr sjö milljörðum króna niður í um 1,6 milljarða króna frá árslokum 2007 til ársloka 2008. Í sömu ársreikningum kemur fram að verðbréf félagsins, bréf í Exista ásamt öðrum, hafi lækkað um ríflega 4,6 milljarða króna á þessu tímabili og var verðmæti Exitstabréfanna komið niður í 300 milljónir króna.
Athygli vekur að í ársreikningum kemur fram að félagið hafi ekki mátt selja bréfin nema með heimild Kaupþings. „Verðbréfaeign félagsins sem bókfærð er á 428 milljónir króna er veðsett fyrir eftirstöðvum langtímalána í árslok. Eftirstöðvar lánanna námu á sama tíma 1.122 milljónir króna. Þá eru kröfur í lánssamningum um að ekki er heimilt að selja verðbréfin án heimildar bankans,“ segir í ársreikningi. Með öðrum orðum mátti Stofn ekki selja hlutabréf í stærsta hluthafa Kaupþings án sérstaks leyfis frá hinum sama banka.
Þetta skilyrði minnir á lánssamning eignarhaldsfélagsins Stím við Glitni. Það mál endaði með ákæru á þrjá menn; Lárusi Welding, fyrrverandi bankastjóra Glitnis, Jóhannesi Baldurssyni, einn stjórnenda bankans, og Þorvaldi Lúðvík Sigurjónssyni, fyrrverandi forstjóra Saga Capital. Aðalmeðferð í því máli hefst 16. nóvember næstkomandi.
Öll mál tengd Exista, utan máls Lýðs Guðmundssonar stjórnarformanns sem var dæmdur í átta mánaða fangelsi, voru þó felld niður. Bogi var vitni í máli Lýðs.
Flögufléttan
Í október árið 2012 rann félagið BOP ehf., sem var í eigu Boga, inn í Stofn ehf. Bæði félög áttu það sameiginlegt að hafa átt hlutabréf í svefnrannsóknarfélaginu Flögu Group. Bogi var stjórnarformaður Flögu Group þar til það var selt.
Félaginu var slitið í lok árs 2011 en þar áður hafði það verið í frjálsu falli í Kauphöll Íslands frá 2007. Í upphafi árs 2009 voru þau varla pappírsins virði.
Þrátt fyrir þetta keypti bandarískt félag, Natus Medical, dótturfélag Flögu, Embla Systems, á ríflega tvo milljarða króna stuttu áður en félaginu var slitið. Við slit á Flögu runnu allar eignir félagsins til Emblu Systems, sem nú var orðið dótturfélag Natus. Ljóst er að þrátt fyrir vandræðagang Flögu um árabil þá hefur Bogi Óskar hagnast vel á sölu félagsins til Natus þar sem hann var meðal stærstu hluthafa.
Málaferli í gangi í Bandaríkjunum
Sala Boga var þó ekki óumdeild en árið 2012 var greint frá í DV að tvær stefnur hefðu verið lagðar fram gegn Boga, en Arion banki og fyrrum viðskiptafélagi Boga stefndu honum í Denver í Colorado í Bandaríkjunum. Samkvæmt Þjóðskrá er Bogi með lögheimili í Bandaríkjunum. Báðar þessar stefnur tengdust sölu Boga á Emblu til Natus Medical.
Eggert Dagbjartsson, fjárfestir sem dvalið hefur í Bandaríkjunum um áratugaskeið, stefndi Boga vegna sölu á Emblu, líkt og Arion banki, en þó undir öðrum formerkjum. Eggert átti stóran hlut í Flögu, 44 prósent, og segir hann að Bogi hafi aldrei sagt sér frá viðræðum um sölu á Emblu til Natus líkt og hann átt að gera þar sem Eggert var bæði hluthafi og stjórnarmaður.
Eftir því sem Stundin kemst næst starfar Bogi í dag sem framkvæmdastjóri félagsins SleepImage.
Bankinn áfrýjar
Arion banki taldi að Bogi hefði blekkt bankann og gerst sekur um fjársvik er hann keypti skuldir Flögu af bankanum með góðum afslætti árið áður. Bogi keypti 12 milljón dollara skuldir Flögu af bankanum á um 4 milljónir dollara. Aðeins þremur vikum síðar seldi Bogi dótturfélagið Emblu á 16 milljón dollara.
Samkvæmt stefnu Arion banka gerði Bogi samning við bankann í árslok 2008 í tengslum við fjárhagslega endurskipulagningu Flögu um að selja eignir Flögu til að borga niður skuldir við bankann. Þar kemur fram að sumarið 2011 greindi Bogi bankanum frá því að ekkert gengi að finna kaupendur á eignum Flögu. Þá hafði hann þó hafið samningaviðræður við fyrrnefnt félag, Natus, um kaup þess á Emblu. Þetta hafi verið brot á samningi og krefst bankinn þess að samningi um kaup Boga á skuldunum verði rift.
Arion banki tapaði málinu vestanhafs, en mun áfrýja.
http://stundin.is/frett/ardur-afskriftir-og-gjaldthrot-hja-boga/
Kona Sigmundar höfðaði Mál til að fá fyrirfram greiddann arf!
Saga Sigmundar Davíðs Gunnlaugssonar er ævintýraleg. Hann er fæddur inn í fjölskyldu sem á milljónir og kvæntur inn í fjölskyldu sem á milljarða. Sjálfur á hann ásamt eiginkonu sinni, Önnu Sigurlaugu Pálsdóttur, rúman einn milljarð en hún lítur á auðæfi foreldranna sem sinn framtíðararf og barðist fyrir því að hún fengi sinn hlut eins og bróðir hennar.
Eiginkonan, Anna Sigurlaug, er á meðal ríkustu Reykvíkinganna og yngsti milljarðamæringurinn í borginni. Auðæfi hennar eru komin frá föður hennar, Páli Samúelssyni, sem hagnaðist verulega þegar hann seldi Magnúsi Kristinssyni, útgerðarmanni í Vestmannaeyjum, Toyota-umboðið árið 2005 en fyrir það fékk hann um sjö milljarða.
Ýmsir sem þekkja til fjölskyldu Páls heyrðu af hörðum deilum innan fjölskyldunnar fyrir nokkrum árum. Deilurnar munu að mestu hafa snúist um peningana sem fjölskyldan fékk þegar Toyota-umboðið var selt og voru ansi sárar fyrir alla sem áttu hlut að máli.
Sagan, sem hefur verið opinbert leyndarmál um árabil hjá þeim sem þekkja til fjölskyldunnar, segir að Anna Sigurlaug hafi fundist hún vera sniðgengin. Fjölskyldudeilurnar um arfinn urðu ansi harðar og er Sigmundur Davíð sagður hafa beitt sér mjög fyrir því að Anna sæti við sama borð og bróðir hennar.
Nánar er fjallað um málið í helgarblaði DV. http://www.dv.is/frettir/2012/9/29/fjolskyldudeilur-vegna-arfs/
Er Sigmundur að fá 130þ á mánuði fyrir að vera skráður í húsi sem hann hefur aldrei búið í?!
Sigmundur Davíð Gunnlaugsson er þjóðrækinn maður og vill búa í kjördæmi sínu. Samkvæmt þjóðskrá er hann til heimilis á Hrafnabjörgum III á Egilsstöðum.
Eins og heimilisfangið segir til um þá er þetta þríbýli. En er þetta bara plat?
„Sigmundur Davíð hefur nú bara gist hér eina nótt þó hann skráður til heimilis hér,“ segir Jónas Guðmundsson bóndi á Hrafnabjörgum í Jökulsárhlíð á Fljótsdalshéraði. Hann er eigandi hússins að Hrafnabjörgum III, þar sem Sigmundur Davíð Gunnlaugsson forsætisráðherra og fjölskylda hans eiga lögheimili.
En afhverju?
Alþingismaður fyrir kjördæmi utan Reykjavíkurkjördæma og Suðvesturkjördæmis (höfuðborgarsvæðis) fær mánaðarlega greiddar [131.400 kr.] í húsnæðis- og dvalarkostnað. Fjárhæðin er ætluð til að standa undir húsnæðis- og dvalarkostnaði (gistingu, fæði) á höfuðborgarsvæði eða í kjördæminu ef þingmaður á heimili á höfuðborgarsvæði. ( úr starfskjörum þingmanna).
Sem sagt forsætisráðherra fær hundrað þúsund krónur nettó, fyrir að skrá lögheimili sitt fyrir austan.
Er ekki kominn tími á að sannreyna þetta?
| This discussion has been closed. |